Është bërë e zakonshme që këngëtarët shqiptarë të këndojnë edhe në trevat shqiptare, apo në vendet ku jetojnë emigrant shqiptarë. Çdo festë është një ditë intensive pune për shumicën e gazetarëve. Rasti i fundit që vjen është ai i këngëtares së muzikës së lehtë dhe popullore, Poni.
Këngëtarja nga Vlora, thuhet është ndër artistet më të paguara të momentit. Këto ditë ajo është ftuar të këndojë për festat e pavarësisë në Shtetet e Bashkuara.
Nga Instagrami i këngëtares duket se koncertet e saj atje kanë qenë të suksesshme, të mbushura plot me njerëz por edhe me dollarë.
Të pranishmit i kanë hedhur Ponit shumë kartëmonedha gjatë performancave, sa ajo i ka shkelur me këmbë. Hedhja e parave gjatë kërcimit, është një traditë shqiptare që nuk praktikohet vetëm në dasma por kudo ku ka gëzim dhe festë.
Discussion about this post