Në Komisionin e Ligjeve ka pasur sot debat lidhur me festat zyrtare, dhe një propozim të deputetit Myslim Murrizi, për të shtuan si festë zyrtare 21 Janarin, që është dhe dita e mbajtjes së Kongresit të Lushnjes.
Nëse për Alket Hysenin, shtimi i një feste të re zyrtare do të shtonte kostot në buxhet, deputeti socialist Bashkim Fino u shpreh pro kësaj date, duke qenë se vetë ai është deputet në Lushnje.
“U befasova që pashë këtë material këtu, dhe që nuk më keni kontakuar si deputet i Lushnjes që jam, e kam me ty zoti Murrizi, se ky që kam në krah nuk ka si të më kuptojë (e ka fjalën për Ralf Gjonin). Do të ishte më e udhës që të mos na paragjykonit edhe ne, dhe të na kërkonit që të ishim po ashtu nismëtar, ndoshta edhe të miratimit të kësaj feste kombëtare.
Mbase janë shumë 14 ditë, po disa janë fetare, dhe duam apo nuk duam ne ato do të festohen, po disa të tjera mund dhe ti eleminonim si dita e verës psh. Ka dy ditë që nuk mund të negociohen, që janë datë 28 dhe 29, se dëgjova këtu që 29 është për tu diskutuar. Po a kemi luftuar ne? Po kemi luftuar dhe jemi çliruar, ç’rëndësi ka nëse kjo ka ndodhur në 28 apo 29.
Këtu te argumentimi juaj zoti Murrizi, duhet që të kishtë më shumë fakte historike për 21 Janarin. Zoti Hyseni nuk mund të ngatërrojmë çështjet historike me ato financiare. Mund të kërkonim më shumë kohë, për të thënë se na duhen më shumë argumente historike për ta shpallur këtë ditë festë kombëtare.
Mbi të gjitha kolegë, duhet të vlerësojmë veten si parlamentarë, parlamenti i parë është në një mendje, po na duhet një material më i plotë, ska asgjë të keqe që të ketë një ditë më shumë pushimi. Ti si parlamentar je pushim, pasi ne e kemi të shkruar që fillojmë punë pas javës së tretë të janarit”, u shpreh Fino.
(E.K/Faxweb.al)
Discussion about this post