Me rastin e 110 vjetorit të alfabetit shqiptar në Maqedoni u organizuan aktivitete festive, ku i ftuar ishte edhe presidenti i Shqipërisë Ilir Meta, i cili takoi edhe përfaqësues politikë nga partia shqiptare në pushtet – BDI, të gjithë së bashku u fotografuan duke bërë shqiponjën me duar.
Presidenti i Shqipërisë Ilir Meta, kryetari i Kuvendit të Maqedonisë Talat Xhaferi, zëvendëskryeministri për Çështje Evropiane Bujar Osmani dhe të tjerët pa problem e kanë bërë shqiponjën në manifestimin e sotëm që u mbajt në Shkup, kushtuar 110-vjetorit të Ditës së Alfabetit. Vështirësi, siç shihet dhe në foto ka hasur vetëm kryetari i BDI-së, Ali Ahmeti.
Pas kësaj ngatërrese të Ahmetit, siç e shihni në foto, Meta, Xhaferi, por edhe valltari që është pas kryetarit të BDI-së, ia kanë “plasur” gazit.
Me sa duket, në fytyrën e tij vërehet edhe habia se si një patriot si Ali Ahmeti nuk mund ta bëjë shqiponjën. (B.H/Faxweb)
Discussion about this post