Festivali i ’56 në RTSH, ky vit do të njihet si “rikthimi i të mëdhenjve” (DETAJE)

Edhe tre ditë ndajnë Festivalin e Fundvitit nga hapja e siparit për edicionin e 56, funddhjetori ashtu si në vitin 1962 kur kënga e lehtë shqiptare nisi rrugën e saj.

Pregatitjet janë drejt fundit në Pallatin e Kongreseve. Me një skenë rrezëllitëse e ndricim të kuruar nga skenografi Albi Cifligu dhe koncept regjisorial nën kujdesin e mjeshtrit Pali Kuke.

Në një intervistë për Fax News, zëdhënëse e Festivalit, Kozeta Kurti tregon detajet e këtij edicioni.

Kurti thekson se surprizat nuk do të jenë pika kyçe e këtij edicioni e se publiku do të njihet me gjithcka e pret.

“Kumbari i festivalit do të jetë kantautori Italian Riccardo Cocciante. Drejtuesi i festivalit, Adi Krasta nuk do të jetë i vetëm në prezantim.

Ky edicion duket se do të mbledh emra të njohur të muzikës së lehtë shqiptare ndaj është quajtur: “rikthimi i të mëdhenjve”.

“Numrat koreografikë do të jenë shfaqe të rralla artistike të mbështetura në tematika sociale të cilat do të transmetohen për ju në vigjiljen e Krishtëlindjeve në datat 21, 22 dhe 23 dhjetor.” (M.Q/Faxweb)