Festivali i RTSH-së “ringjall” Vaçe Zelën, përlotet Ledina Çelo

Pjesë e natës finale të Festivalit të Këngës në RTSH është bërë edhe këngëtarja e madhe Vaçe Zela, përmes një holograme të përgatitur në nderim të kësaj artiste që ndërroi jetë rreth dy vjet më parë në Bazel të Zvicrës.

Hologrami solli në vëmendje ikonën e muzikës shqiptare. Vaçe Zela u rikthye në skenë përmes hologramit me performancën e këngës “Moj e bukura Arbëri”.

Emocionet që ky hologram përcolli ishin të shumta dhe u vunë re ndër të tjerë edhe tek këngëtarja Ledina Çelo, e cila prezantoi tri netët e Festivalit të Këngës në RTSH për këtë vit.