Moda e dhënies së çdo pasurie publike me koncesion dhe zhgënjimi nga niveli kulturor i Festivalit të 55-të të Këngës në RTSH ka shkaktuar debate të shumta në rrjetet sociale.
Më i fundit që ka reaguar ka qenë gazetari Sokol Shameti, i cili shprehet se ky është një amatorizëm i financuar me paratë e taksave të shqiptarëve.
“Festivali i këngës në TVSH, një pocaqi e paimagjinueshme. Dhjetë minuta pashë, dhjetë herë pështyva. Amatorizëm i financuar me miliona nga paret tona. Një turp televiziv që kapardiset me mendjemadhësi dhe arrogancë.
PS. Nuk e imagjinoja që do ta thoja këtë për një dashuri të vjetër që na ka rritur të gjithëve, por ja si e katandisën pasurinë tonë publike”, shkruan në Facebook gazetari Sokol Shameti, postim i cili ka tërhequr vëmendjen edhe të personazheve të tjerë publikë.
“Paske qenë ti. Unë një minutë mezi durova”, shkruan gazetari Erion Kristo, ndërsa regjisori Artan Rama jep një “ide” të re: “Ja këtë thuaj ti e ta japin me koncesion”, duke ironizuar me koncesionet e shumta që ka dhënë deri tani qeveria Rama.
Festivali i Këngës në RTSH nisi mbrëmjen e djeshme, ndërsa sot është nata e dytë gjysmëfinale ku do të dalin në skenë 12 këngëtarë të tjerë. (A.R/SHUPLAKA)
[ngg_images source=”galleries” container_ids=”281″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post