Pas reagimit që ka pasur ditën e sotme Prokuroria e Krimeve të Rënda për publikimin e përgjimeve nga ‘dosja 339’, dhe një urdhëri të firmosur nga dy prokuror të dosjes ku u ndalohet të gjithë mediave publikimi i këtyre përgjimeve, një përgjigje ka ardhur dhe nga gazetari Blendi Fevziu.
Sipas Fevziut kjo është shkelje e fjalës së lirë, sepse detyra e gazetarëve kjo është. Ai është treguar i gatshëm ti publikojë të gjithë dokumentet duke u shprhur: E publikoj unë le të veprojë prokuroria
“Kjo është një shkelje e parimeve të shtypit të lirë, e fjalës së lirë. Prokuroria mund të ruajë zyrat e saj, por gazetarët këtë detyrë kanë. Është më shumë se idiotësi, çdo dokument që kemi silleni se e publikoj unë le të veprojë prokuroria. Silleni dhe le të vijë prokuroria e të procedojë pastaj. Është e drejtë e prokurorisë të ruajë dokumentet, të hetojë kush nxjerr sekretet”, deklaroi Fevziu.
Sipas urdhrit të lëshuar ditën e sotme nga 2 prokurorët e dosjes Vladimir Mara dhe Dritan Prençi në bazë të nenit 295 të Kodit Penal, thuhet se të gjithë që do të marrin përsipër publikime të tilla do të mbajnë përgjegjësi penale.
