Janë arrestuar nga policia ditën e sotme dy shtetase të cilat kanë vjedhur shuma të konsiderueshme lekësh më shumë se një herë në hipermarketin ku ishin të punësuara duke shpërdoruar kështu detyrën.
Nga Specialistët për Hetimin e Krimit Ekonomik e Financiar në Drejtorinë Vendore të Policisë Fier bëhët me dije se janë arrestuar shtetaset Sonila Gjoshi, 24 vjeçe, banuese në Lushnje, si dhe Eriselda Manati, 28 vjeçe, po banuese në Lushnje.
Ndalimi i këtyre shtetaseve u bë pasi duke punuar si shitëse në rrjetin e Hipermarketeve dhe konkretisht në Hipermarketin nr.2 në lagjen “Skënder Libohova” Lushnje, në periudha të ndryshme dhe më shumë se një herë kanë vjedhur shuma të konsiderueshme lekësh në kasë.
Mësohet se materialet i kaluan Prokurorisë pranë Gjykatës së Shkallës së Parë Lushnje për veprën penale “Vjedhje duke shpërdoruar detyrën” më shumë se njëherë”.
(E.V/Faxwebal)
Discussion about this post