Qyteti I Fierit po mban homazhe për vdekjen e 52-vjeçarit, Agur Vernozit.
Vernozi vdiq në spital pasi nuk u mbijetoi plagëve të marra, në përleshjen me tre hajdutë, të cilët vodhën një pikë këmbimi valutor.
Fax Neës raporton se edhe ministri i mjedisit, Blendi Klosi ka marrë pjesë në homazhe.
“Mirënjohje për këtë akt heroic, është shembull I një njeriu të përgjegjshëm, i një shtetasi shembullor.
Shprehim indinjatën tonë për ngjarjen. Vlerësim maksimal për veprën e një babai shembullor. Ai do të donte që Fieri dhe Shqipëria të mos ishin kjo që janë.,”- u shpreh Klosi.
Një ditë më parë tre hajdutë u futën në një pikë këmbimi valuator dhe vodhën një çantë me para.
Vernozi sapo e pa ndërhyu për të parandaluar ngjarjen dhe përfundoi i plagosur rëndë me kallashnikov.
Bashkë me të u plagos edhe Gëzim Hoxha, 64 vjeç.
Pas grabitjes policia arriti te kapte tre autoret; Zini Fyraj, Lulëzim Demiraj dhe Dashamir Gergali.
Për fat të keq, Agur Vernozi humbi jetën.
(F.M/Faxweb)
https://www.youtube.com/watch?v=nnvUBbo1Kug&feature=youtu.be
