Ditën e sotme FIFA ka publikuar, rënditjen e re për ekipet kombëtare, pas ndeshjeve të zhvilluara gjatë fillimit të shtator.
Nga kjo tabelë e rënditjes, Shqipëria ndodhet në vendin e 64-t, me 1372 pikë, 10 më shumë se sa kishte në renditjen e kaluar, ndërkohë pozicioni mbetet i njëjtë, duke mos ndryshuar asnjë vend.
Krejt ndryshe shfaqet Kosova, e cila është ngjitur një pozicion më sipër, dhe tani e shohin veten në vendin e 119-të të renditjes botërore, një pozicion rekord ky për Kosovën. “Dardanët” numërojnë momentalisht 1164 pikë, nga 1149 që numëronte në renditjen paraardhëse.
Nga ana tjetër, Belgjika kryeson renditjen botërore, me 1752 pikë. Franca ka ngjitur një pozicion, dhe tani është e dyta, pas fitoreve me Shqipërinë dhe Andorrën. Zbret në vendin e tretë ndërkohë, Brazili. Anglia mban vendin e katërt, ndërsa në vendin e pestë ngjitet Portugalia.
Ndërsa top 10-shja, vazhdon me ekipe si Uruguai, Spanja, Kroacia, Kolumbi dhe Argjentina. Renditjen e plotë e gjeni (Këtu gjeni tabelën e plotë të rënditjes)
Discussion about this post