“Hermetike” deri tani, këngëtarja shqiptare flet më në fund për lidhjet: Jam dashuruar me të duhurin, në kohën…

Këngëtarja Filloreta Raçi, e njohur nga të gjithë si Fifi, është shpesh kryefjala e mediave për marrëdhënien e saj të pamundur të dashurisë, të cilën duket se ende e vuan sot e kësaj dite.

Postimi i saj i fundit ku i tregonte personit të zemrës se nuk hiqte dorë lehtë bëri xhiron e rrjetit, pasi Fifi e kishte etiketuar personin misterioz në postim. Pavarësisht lajmeve të shumta, Fifi u shpreh se dëshironte që jeta e saj private të jetë e tillë, mirëpo nuk ka mundur të qëndrojë gjatë pa hapur zemrën me ndjekësit e saj.

Gjatë një bisede pyetje-përgjigje në InstaStory, Fifi ka treguar si e ka përjetuar lëndimin nga dashuria:

“A të ka bërë një person ndryshe? Fakti që je lënduar a ka ndikuar pozitivisht tek ti, apo negativisht?”- e pyet një ndjekës ndërsa këngëtarja ia ka kthyer: “Absolutisht jo! Bile m’ka bo me kuptu sa e rëndësishme është vetja! M’ka bo me kuptu që s’ja vlen 1 sekond me humb për diçka ose dikë që nuk të ka vlerësu kurrë!”

Gjithashtu, ndjekësit kuriozë e pyesin nëse është dashuruar me personin e gabuar, por Fifi nuk preferon ta quajë të tillë.

“Jam dashuru në të duhurin, në kohën e gabume.”- është shprehur këngëtarja.

Pavarësisht zemrës së thyer, lëndimi i ka shërbyer Fifit të shkruajë tekste rrënqethëse dhe të realizojë këngë dashurie që tashmë janë kthyer në hite.