Në media janë hedhur hipoteza nëse PS do e rikandidojë sërish Veliajn për Bashkinë Tiranë, si dhe marrëdhëniet mes tij dhe kryeministrit Rama.
Sipas avokatit Altin Goxhaj Edi Rama nuk e do Veliajn, por kryebashkiaku si trashëgimtar i Sorosit është me i fuqishëm se kryeministri.
Por Rama nuk ka zgjidhje tjetër pasi është i detyruar ta mbështesë sipas Goxhajt. Avokati argumentoi gjithashtu se edhe PD dhe LSI e mbështesin Veliajn për tu bërë kryeministër.
“Kurrë nuk është vënë në diskutim rikandidimi i Veliajt, është më i fortë se Edi Rama. Janë të gjithë në garë për të ngjitur Veliajn. Kryemadhi e ka dhënë qartazi se ka nevojë. LSI-ja ka vërtetuar se po vepron që Veliaj të bëhet kryeministër, Lulzim Basha dihet. Gjithë lufta është se kur, Rama synon që të jetë sa më ngadalë kjo datë, por nuk e ndalon. Rama nuk e mbyll deri në fund mandatin, kryeministër do të jetë Veliaj”, tha Altin Goxhaj në ‘Fax News’.
Por ai gjithashtu shtoi se figura e Veliajt po dekonstruktohet nga media, njerëz të ndryshëm por edhe intelektual dhe elektorati gri e urren atë, prandaj për të e vetmja mënyrë për tu bërë kryeministër janë pazaret me PD, PS, dhe LSI.
Më parë Goxhaj argumentoi se edhe Tahiri shpëtoi nga arrestimi se kërcënoi se do të merrte me vete Veliajn dhe jo Ramën.
“Unë e kam deklaruar në këtë emision dy ditë pas përpjekjes për heqjen e imunitetit të Tahirit. Nuk ka asnjë plan të Tahirit për të kërcënuar Ramën. Por Tahiri ka kërcënuar gjithnjë se do marrë me vete Erion Veliajn dhe jo Edi Ramën, bravo, ai gjeti pikën e dobët, dhe nëse bën këtë merr me vete gjithë Sorosin duke e lënë pa trashëgimtar, se Edi Rama i ka ditët e numëruara dhe nuk e mbyll mandatin, por do e zëvendësojë Erion Veliaj.
Në lidhje me mundësinë e arrestimit të Tahirit…ne kemi parë si u arrestua Fullani, dhe u lirua me dëmshpërblim, por ai është arrestuar në këtë mënyrë për të dalë i pafajshëm, se të pafajshëm të nxjerr proceduara, po nuk pati fakte për arrestimin e tij ai do të lirohet me nja 1 milionë dollarë dëmshpërblim.
Erion Veliaj ka kohë që është i acaruar me ngjarjen e Tahirit,gjithashtu nervozizmi i Tahirit është i jashtëzakonshëm. Tahiri dhe Veliaj janë në të njëjtën varkë dhe po u mbyt njëri mbyten të dy. Rama e di se loja nuk është e tij. Rama e ka tmerr Veliajn por kjo është loja, Rama nuk po mbron Veliajn por Tahirin nga Veliaj, por nuk do ta mbrojë për shumë kohë. Endri Fuga është njeri i Veliajt tek Rama”, tha Goxhaj ndër të tjera.
(B.H/Faxweb)
