Ka filluar shpëndarja e vaksinave kundër gripit në qytetin e Korçës. 5050 doza do të shpërndahen në 19 qendra shëndetësore, katër prej të cilave brenda në qytet. Vaksinini do të realizohet nga mosha 9-vjeç dhe deri mbi 60-vjeç, ka thënë Merita Kroi mjeke epidiologe, shkuan një portal online.
Edhe ministri Beqaj tha se jemi në një situatë emergjence të gripit që prej datës 20 dhjetor.
Kemi një shtim shumë të madh të rasteve. Shërbimi parësor i mjekëve të familjes do të punojë edhe të dielat në mënyrë që të pakësohen dyndjet në spitalet rajonale. Vetëm dje janë ndarë 61 mijë doza vaksine, ndërkohë që në total janë 90 mijë doza. Rekomandohet për moshën mbi 60 vjeç, për të sëmurët kronikë, ata që vuajnë nga zemra, diabeti, pasi janë edhe më të rrezikuarit për tu prekur’’, ka thënë Beqaj.
Ndërkohë ende nuk dihet nëse javën e ardshme procesi arsimor do të fillojë apo jo normalisht. Beqaj ka thënë se njerëzit duhet të shmangin sa më shumë lëvizjet dhe aktivitetet që kanë një grumbull të madh njerëzish. Ndërkohë Ministri Beqaj ka paralajmëruar edhe pezullimin e operacioneve që nuk janë urgjente. (J.V/Shuplaka)
