“Fillon çmontimi i Teatrit”, Çipi: Punëtorët e bashkisë hoqën natën një dyzinë me stola (FOTO)

Artistët dhe përfaqësues të shoqërisë civile vijojnë protestën e tyre çdo mbremje në mbrojtje të godinës së Teatrit Kombëtar.

Regjisori Kastriot Çipi është një prej artistëve, që vazhdon të jenë stoik në qëndrimin e tij për mbrojtjen e Teatrit Kombëtar.

Me anë të një shkrimi në Facebook, Çipi ka denoncuar me fotografi çmontimin e godinës, ku punëtorët e Bashkisë pas heqjes së tabelës “Eja në Teatër”, kanë hequr dhe një dyzine më stola.

Sipas tij këto veprime, në vend që të dekurajojnë qytetarët që vijnë çdo mbrëmje në protestë, na bëjnë të gjithëve të shtrojmë pyetjen: a nuk tregojnë këto shenja se procesi i “negocimit” me Fusha shpk do të jetë thjesht një farsë?

Postimi i plotë

Filloi me heqjen e tabelës ndriçuese “Eja në teatër”. Pastaj natën u hoqën posterët e shfaqjeve nga fasada e Teatrit Eksperimental në rrugën këmbësore. Dhe po natën, të njëjtët punëtorë të Bashkisë, hoqën një duzinë stola nga sheshi i Teatrit.
Këto veprime, në vend që të dekurajojnë qytetarët që vijnë çdo mbrëmje në protestë, na bëjnë të gjithëve të shtrojmë pyetjen: a nuk tregojnë këto shenja se procesi i “negocimit” me Fusha shpk do të jetë thjesht një farsë?

(M.Q/Faxweb)