Ende vazhon protesta në Zharrzës të Patosit, ku shumë qytetarë po protestojnë ndaj firmës së Bankersit pasi ju janë shembur banesat e tyre. Të zhgënjyer dhe të braktisur nga qeveria, kryefamiljarët e këtij fshati, kanë rinisur grevën e urisë prej shumë ditësh. Banesat e tyre janë pothuajse të pabanueshme dhe në rrezik për t’u shembur për shkak të shpërthimeve në zonën afër me fushat naftëmbajtëse. Atyre iu premtua një proces vlerësues për dëmet materiale dhe dëmshpërblim deri në datën 31 Janar, por asgjë nuk ndodhi.
Por sot këta banorë nuk kanë zgjedhur të protestojnë nga ky fshat, por janë nisur në këmbë drejt Tiranës pasi pritën me ditë të tëra që shteti të shkonte te ata.
Por ajo që na bie më shumë në sy është se grevistët e lodhur janë vendosur në karroca invalidësh pasi nuk mund të ecnin në këmbë dhe janë nisur drejt Tiranës duke mbajtur edhe parrulla: “Bankers po na shkatërron jetën”, “Të hetohen përgjegjësit e katastrofës”.
“Neve jemi nisur drejt Tiranës, në një marshim tepër të vështirë për neve. Meqënëse zoti Niko erdhi deri në Fier dhe nuk na takoi po shkojmë ta takojmë neve, se është zotri i rëndë. Erdhi piu kafe në Fier, po po në këmbë do shkojmë e kemi vendosur”, shprehet një nga banorët e këtij fshati.
Ata janë nisur në këmbë dhe në këtë video shihen sesi ecin në rrugën nacionale për të shkuar drejt Tiranës. “Historike. Fillon marshimi per drejtesi. Banoret dhe grevistet e Zharrzes nisen ne kembe drejt Tiranes. Kerkojne shtepite e tyre. Shteti heshti dhe nuk erdhi te ta. Po shkojne ata te shteti.”, raporton Nisma Thurrje. (J.V/Shuplaka)
Discussion about this post