Kryebashkiaku Veliaj ka qenë i pranishëm në fillimin e punimeve për mbjelljen e pemëve në Liqenin e Farkës. Kjo synon ta bëjë këtë liqen më të frekuentuar nga qytetarët e Tiranës. Krahas pedonales që ka filluar punimet për rrethimin e Liqenit, kjo është nisma e dytë që do ta bëjë këtë zonë më të vizitueshme nga qytetarët.
“Së pari, shtojmë gjelbërimin, i cili plotëson një investim të pedonales së Farkës. Pedonalja ka të njëjtat kushte në shërbim dhe pastërti, si te Liqeni i Tiranës, ndaj për banorët e Njësisë 1 dhe 2 vlen një ftesë që ata të shëtisin, së bashku me fëmijët, në Liqenin e Farkës, si një mundësi për të kaluar kohën e lirë apo për t’u marrë me sport e aktivitete të tjera. Kësisoj dyfishojmë hapësirat e argëtimit në kryeqytet, duke qenë se Tirana e sotme me 1 milion banorë ka një dyndje të jashtëzakonshme në Liqenin Artificial, edhe falë investimeve dhe punës që kemi bërë aty. Ndaj, ka lindur nevoja që t’i shtojmë hapësirat dhe besoj se Liqeni i Farkës, do të jetë hapësira e dytë më e rëndësishme për sport, për shëtitje dhe ajër të pastër”, tha Veliaj.
“Ftoj të gjithë qytetarët a’ti bashkohen nismës tonë: Secili prej nesh ka dy mundësi: ose të ankohet pse ajri s’është i pastër, pse makinat ndotin, ose të kontribuojë në mënyrë direkte në pastrimin e tij. Si mund ta bëjnë këtë? Për çdo sebep, qoftë lindje, martesë, fejesë, mbillni një pemë. Nga viti tjetër, bashkia do të vendosë një numër fiks ku të prenotoni mbjelljen e pemës: 0800 888”, shtoi më tej Veliaj.
[ngg_images source=”galleries” container_ids=”213″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post