Prej ditësh transmetimi apo jo i filmave të komunizmit ka hapur një debat shumë të zjarrtë. Fillimisht transmetimi i tyre u hodh si ide nga shkrimtari Agron Tufa dhe më pas u përqafua dhe kundërshtua nga të tjerë.
Një reagim për këtë para pak minutash ka dhënë dhe akademiku Artan Fuga, duke thënë se kjo histori ngjan me atë shprehjen ‘’kur ske ça i bën gomarit i bije samarit’’. Ai thotë se njerëzit e lumtur qeshin me të kaluarën dhe nuk e kanë problem që të shohin filmat e së shkuarës.
‘’Nostalgjia e së kaluarës është si psiqika njerëzore individuale. Njeri i lumtur sot qesh me të kaluarën, kurse njeriu i trishtuar gjen qetesi duke qarë mbi varre! Kultura e sotme prodhon shkatërrim dhe është një propagandë idiote! Kjo i bën njerëzit të shohin filmat e kaluar dhe ushqen nostalgji ndonjëherë.
Mos t’i biem samarit se nuk kemi çfarë t’i bëjmë gomarit!
Në një universitet në Paris para disa vjetësh programi kulturor për mijra studentë ishin filmat sovjetikë. Askush nuk çante kokë për të kaluarën si rikthim, por i ndiqnin si shkon njeriu në një amfitetarër gladiatorësh për ta vizituar jo me dëshirën për ta ngrënë luanët e dikurshëm, por për t’a ndjerë të kaluarën pa dashur të njehsohet me të!’’, shkruan Fuga. (E.K/SHUPLAKA)
