Aktori Mevlan Shanaj ka reaguar së fundmi lidhur me debatin që po qarkullon kohët e fundit mbi transmetimin ose jo të filmave të periudhës së komunizmit. I pyetur se ç’mendon lidhur me këtë debat, ai shprehet se nuk mundet që në sistemin demokratik të krijohet një censurë e re. sipas tij, koah është gjykatësja e vetme e filmave dhe ato kanë treguar se mund t’i rezistojnë kohës.
Kush do ta zhdukë? Nuk mundet në sistem demokratik të krijohet një censurë e re. Nuk ndodh kurrën e kurrës. Janë ide infantile mediokre ultrareaksionare. Nuk ka njerëz që mund ta bëjnë këtë gjë. Shoqëria shqiptare e flaku censurën dhe diktaturën në vitin 1991. Ndërsa veprat kanë gjykatës vetëm kohën. Koha përzgjedh nivelet dhe mediokritetin. Tashmë kjo gjë është arritur, çdo shashkë kthehet në bumerang.
Në intervistën e dhënë për gazetën “Dita”, ai ka shprehur mendimin e tij lidhur me ata që kërkojnë zhdukjen e këtyre filmave: “Është e drejta e tyre të shprehen, por ndoshta janë të vonuar. Me sa duket më 1990 nuk kanë mundur dot, ndërsa ne jo vetëm mundëm më 1990, por u bëmë zëdhënës të vrasjes së frikës se diktaturës.”
I pyetur se sa në presion ka qenë ai së bashku me kolegët, aktori Mevlan Shanaj ka thënë gjatë intervistës se “gjithë lindja ishte nën sistemin komunist me një ideologji. Pikërisht për mungesë të shprehjes dhe të ekonomisë së centralizuar, humbi ai sistem. Ishte Shtet me një Parti dhe çdo gjë bëhej sipas diktatit të Partisë-Shtet”.
(XH.A/SHUPLAKA)
Discussion about this post