Moderatorja Fiori Dardha ka zbuluar se cili është çelësi i suksesit të saj. E ftuar në emisionin “Mos i fol shoferit” të aktores së humorit, Rudina Dembacaj, Dardha është shprehur se në kohën kur ishte moderatore e “Fiks Fare”, ka patur shumë sukses por ama për shkak të stresit ka humbur 8-9 kilogramë. Madje ka shtuar se çelësi i suksesit të saj është fakti se ka bërë veten e saj.
“Ishte e vështirë muajin e parë, presioni i publikut dhe i kolegëve ishte i madh. E ndjeva që do ta fitoja audicionin sepse Filipi kërkonte fiks një njeri si unë. Kam humbur 8-9 kilogramë gjatë kohës që bëja “Fiks Fare” pasi kisha shumë stres. Përballova presionin e kolegëve, sepse njerëzit që bëjnë televizion janë më kritikët. Nga ana tjetër televizionet e mëdhenj e kanë të vështirë të pranojnë dikë që nuk është produkt i tyre, në këtë rast i “TOP”-it. Unë pata sukses sepse nuk u përpoqa të bëja askënd. Kam bërë veten time dhe ky ka qenë çelësi i suksesit”, është shprehur Dardha për eksperiencën e saj në “Fiks Fare”.
Tanimë moderatorja drejton emisionin “BOOM” në Ora News, por s’i ka shpëtuar dot pyetjes se cilin mes kolegëve të saj nga dy emisionet e tjera investigative, “Stop” dhe Fiks Fare”, ka më shumë për zemër.
“Devi dhe Dori janë dy aktorë të rinj shumë të talentuar. Me drejtimin e “Fiks Fare” u ka ardhur një shans i paparë. Sezoni i parë nuk duhet marrë shumë për bazë, sepse ai është një lloj testi për të gjithë. Përsa i përket Sajmirit ai është një figurë e konsoliduar tashmë, por tek ai që doja të ndalesha është Genti për të cilin gëzoj një respekt të jashtazakonshëm. I shkon shumë ky format pasi ka një humor të jashtëzakonshëm. Për mua është një nga personazhet më interesantë në ekranet shqiptare”, është shprehur Firo Dardha. (D.D/Shuplaka)
Discussion about this post