Sekretari për Burimet Njerëzore në PD dhe njëherësh një nga anëtarët e grupit të punës për hartimin e statutit të PD komentoi fjalimin e Eduart Selamit të mbajtur në Kuvendin Kombëtar.
I ftuar në emisionin “Debati në Channel One” të gazetarit Roland Qafoku, Fabardh Kadilli tha se fëshkëllimat ndaj Selamit ishin të papranueshëm dhe i refuzon totalisht.
Ndërsa shton se ajo që ndodhi me Selamin ishte krejt ndryshe nga ajo që ndodhi me Ben Blushi në Elbasan. Ndërkaq theksoi se kreu i PD, Basha i bëri thirrje sallës të ndalonte.
“Fishkëllimat ndaj fjalimit të Selamit në Kuvend nuk ishte asgjë për tu pranuar. Fishkëllima ishte për tu refuzuar totalisht. Por ka një dallim. Është tjetër gjë kur njeriu fishkëllehet se është nervoz dhe tjetër gjë kur e instrumentalizon dikush dhe e përdor.
Nuk ka lidhje rasti i Selamit me rastin e Ben Blushit dikur në PS. Në rastin e Blushit ishin njerëz të tjerë të kryetarit të bashkisë së Elbasanit që e fëshkëllenin. Në rastin e Selamit këta nuk ishin të organizuar. Madje, kryetari Basha u bën me dorë pushoni.
Gjithë trupa jonë e komisionit ishim duke bërë më dorë pushoni. Ata që fëshkëllenin ishin të shpëndarë lart e poshtë. Nuk ishte një grup. Ata ishin të mërzitur dhe nervozuar nga fjala dhe fjala ka të pavërteta të rënda”, u shpreh ai.
Kadilli shtoi më tej se Selami tha të gjëra të pavërteta gjatë fjalimit të tij.
“Selami në atë fjalim tha të pavërteta bezdisëse. Që partia nuk ka bërë analizë. Kemi bërë analiza për të tre humbjet por i kemi bërë brenda zyrave. Po Selami a është brenda zyrave? Selami duhet ta dinte këtë gjë. Kishte edhe detyra funaksionale në fushatë. As Selami e as Topalli, as Imami, as Kulluri nuk kanë ardhur në këto analiza. Selami është gënjeshtar teksta thotë që 22 kryetarët e degëve u hoqën nga Basha. Është bërë mbledhje kryesie dhe nuk janë hequr me një të rënë të lapsit. Gënjen sepse nuk ka shkelur në parti ndonjëherë”, u shpreh ai.
(E.K/FAXWEB.AL)
Discussion about this post