Fisi e përzuri me natë se i erdhën “ato”, 15-vjeçarja humb jetën në një barake

Thellë në Himalaje, një vajzë ndezi një zjarr në një barake të vogël për t’u ngrohur, por ky veprim rezultoi fatal për të. Ndërsa flinte, 15-vjeçarja vdiq nga asfiksimi prej tymit.

Atë natë adoleshentja ishte vetëm, kjo për shkak se komuniteti i saj i konsideron të papastra femrat gjatë menstruacioneve dhe i dëbon ato gjatë kësaj periudhe, raporton CNN.

Kështu, vajza e dëbuar nga fshati Gajra në rrethin Achham në perëndim të Nepalit, humbi jetën.

Inspektori i policisë së qarkut Badri Prasad Dhakal, ka deklaruar se gjatë nëntë viteve të fundit, të paktën 10 vajza kanë humbur jetën në të njëjtën mënyrë.

“Vdekjet shkaktohen zakonisht nga asfiksimi prej tymit, nga kafshimi i gjarpërinjve dhe nga mungesa e kujdesit shëndetësor gjatë menstruacioneve,” është shprehur ai.

Jo vetëm lidhur me menstruacionet, por edhe me tematika të tjera, gratë në Nepal diskriminohen sistematikisht.(D.D/Shuplaka)