Një ndërtues i cili u bë një multi-milioner muajin e kaluar, pasi fitoi në llotari 105 milionë euro, ka vendosur që të kryente falas për këtë muaj punët ndaj klientëve të tij, si një dhuratë e parakohshme për Krishtlindjet.
Steve Thomson, nga Selsey, West Sussex, premtoi të kthehej në punë në një përpjekje për të qëndruar “normal” pasi u bë fituesi i nëntë më i madh në Mbretërinë e Bashkuar në historinë e Lotarisë Evropiane muajin e kaluar.
Prej asaj dite ai ka refuzuar që tiu marrë paratë klientëve, duke iu bërë atyre në këtë mënyrë një dhuratë që nuk do ta kishin menduar.
“Ai është një njeri i mire”, i tha Sun, fqinji, i cili nuk donte të emërohej, pasi Thomson nuk i kishte marrë para për një ndërtim që kishte kryer në lagje.
“Ne nuk e pyetëm atë për fitoren, sepse ai me siguri ka pasur mjaft të flasë për të. Unë mendoj se është mirë që ai të jetë në gjendje të punojë akoma sepse e heq mendjen nga presionet e asaj që duhet të bëjë me paratë”, tregon më tej fqinj, ndërsa shtoi se Steve ishte duke përdorur ende furgonin e tij të vjetër të verdhë.
Thomson, i cili ka luajtur llotari rregullisht për 25 vjet, premtoi të ndihmojë bashkësinë lokale dhe u tha klientëve: ‘Mos u shqetësoni, unë do t’i përmbahem asaj dhe do t’i bëj të gjitha punët e mia!’
Gruaja e tij Lenka Thomson, e cila ka tre fëmijë me Steven, tashmë ka lënë punën e saj në një dyqan komoditeti afër shtëpisë së tyre në Selsey, Ëest Sussex.
Ata planifikojnë të blejnë një shtëpi të re, në mënyrë që dy djemtë e tyre të moshës 10 dhe 15 vjeç, dhe vajza e tyre, tetë vjeç, secili të mund të ketë dhomën e gjumit, duke i bërë kushtet e tyre të jetesës, ‘pak më harmonike’.
(E.K/Faxweb.al)
Discussion about this post