Kandidatja e LSI-së për deputete në Qarkun e Elbasanit, Monika Kryemadhi, ka reaguar lidhur me vendimin e fundit të Kolegjit Zgjedhor për t’ia dhënë Lëvizjes Socialiste për Integrim Numëruesin e Tretë që dhe kjo forcë të ketë numëruesin e saj në KZAZ.
Ajo e rendit këtë si fitoren e dytë të LSI-së, pas fitores së parë, asaj të të renditurit e para në fletën e votimit. Ndërsa fitorja e tretë sipas saj do të jetë fitorja e zgjedhjeve të 25 qershorit.
Më tej, duke thumbuar PS-në dhe PD-në për marrëveshjen e 18 majit, ajo shprehet se fati i shqiptarëve nuk vendoset në krevatin e Romeos dhe Xhulietës.
Reagimi i Monika Kryemadhit:
Kjo është fitorja e rradhës për LSI.
E treta është të dielën.
Mbasi Zoti zgjodhi të parën LSI në fletën e votimit, kjo është fitorja e rradhës, ku numëruesit e saj do të garantojnë votën e çdo shqiptari. E treta, më e madhja, më datë 25 Qershor, kur LSI del Forcë e Parë, që shqiptarët të vazhdojnë të jetojnë në një shtet demokratik, për fatin e të cilit nuk vendoset në krevatin e Romeos dhe Xhulietës. #LsiForceePare #VOTO1 #VOTOLSI
(XH.A/SHUPLAKA)
