Teuta Vodo, pedagoge në Universitetin e Brukselit tha në një lidhje Skype për emisionin “Të pathënat” në Fax News se Macron me marrjen e mandatit të dytë si president i Francës është përballë dy skenareve.
Sipas Vodos, këtë herë ai gjendet përballë kancelarit të ri gjerman që ndryshon shumë nga Merkel dhe po ashtu siç e theksoi në fjalimin pas fitores do i duhet të bindë të gjithë votuesit e Le Pen se është i duhuri.
Lidhur me Le Pen Vodo theksoi se ajo e deklaroi hapur politikën dhe programin e saj që ngjante shumë më atë të presidentit Trump dhe në Francë u ngjall frika.
“Është një frymarrje, një lehtësim për të gjithë sepse Le Pen nuk po e mbante sekret politikën dhe programin e saj apo faktin sa prioritet do i jepte Francës dhe ekonomisë së këtij shteti. Me moto të ngjashme me ato të presidencës së Trump.
Kishte një tendosje dhe frikë të përgjithshme që ajo mund të fitonte dhe të gjithë ish-kandidatët bënë thirrje votuesve të votonin më pak konservator.
Janë dy ngjarje të njëpasnjëshme dhe dy skenarë, gjendet përballë Olaf që nuk ka të njëjtën karizëm sa Merkel dhe nga ana tjetër është një president që nga nevoja për të bindur dhe kënaqur votuesit, edhe ato të LE pen ka këtë barrë të rëndë , sic e than ë fjalim se do te jetë president i të gjithëve.
Është e mirë për axhendën europiane por nga ana tjetër është një president që do të masë sa më shumë pulsin e votuesve të tij.
Pas 6 javëve janë zgjedhjet parlamentare që tashmë po përgatiten për një fushatë të zjarrtë për të dobësuar fuqinë vendimarrëse të presidentit. Është një president me fuqi të plotë por është Asambleja KOmbëtare që merr vendimet e veta. Nëse zgjidhet nga partia e Macron atëherë kryeministri do ketë një rol shumë bazik, në rast të kundërt Macron do ketë më pak pushtet.
Duhet të ketë një bashkëjetesë me kryeministrin, gjatë mandatit të parë ai ka thënë shpesh se do të fuqizojë Asamblenë, nuk besoj se është me vullnet të plotë sepse nuk është në interesin e një presidenti”-u shpreh Vodo.
(E.D/faxweb.al)
Discussion about this post