Partia Demokratike arriti të rimarrë bastionin e saj Kavajën në zgjedhjet e fundit për kryetar bashkie. Në lidhje me këtë fitore kryetari i ri i Bashkisë së Kavajës, Isa Sakja, i ftuar në emisionin “Kjo Javë” ka shpjeguar rezultatin pozitiv të arritur, nga ngushëllimet e vetme të PD-së në këto zgjedhje.
Ai tha se fitorja ishte si rezultat i një pune e nisur më herët duke ringritur strukturat e PD dhe duke bërë pjesëmarrës çdo demokrat.
“Unë besoj se është një fitore nisur kohë më parë duke ringritur strukturat e PD dhe duke bashkuar çdo zemër të thyer dhe duke bërë pjesëmarrës çdo demokrat. Fushatës iu bashkuan të majtë e të djathtë. Kjo erdhi si formë reagimi ndaj keqqeverisjes së mëparshme. Qyteti ishte gati të reagonte dhe ne e ndihmuam të reagojë”- tha Sakja.
Isa Sakja tha se është hasur me problemin e blerjes së votave në Kavajë pasi edhe administrata ishte e përfshirë në fushatë. Ai tha se PD fitoi falë bashkimit të qytetarëve.
Unë e kam hasur ditë pas dite problemin e blerjes së votave dhe administrata ka qënë e përfshirë. Ka pasur blerje masive votash. Ne fituam se bashkimi i madh i çdo qytetari që kërkonte ndryshimin solli atë trup të madh të qytetarëve kundër kësaj”, tha ai. (B.H/Shuplaka)
Discussion about this post