Urimet në adresë të Ramës për fitoren e arritur në zgjedhjet e përgjithshme parlamentare të 25 qershorit, kanë ardhur edhe nga Presidenti i Kosovës, Hashim Thaçi.
Përmes një fotografie ku ai shfaqet krahas Ramës, Hashim Thaçi ka shprehur urimet e tij për kryetarin e Partisë Socialiste dhe mikun e tij, siç thekson vetë në urimin e shpërndarë në rrjetet sociale.
Presidenti i Kosovës shkruan se përtej garës partiake, këto zgjedhje ishin një fitore për Shqipërinë dhe qytetarët e saj.
“Sot urova Kryetarin e Partisë Socialiste të Shqipërisë dhe mikun tim, Edi Ramën, për fitoren në zgjedhjet e 25 qershorit.
Përtej garës partiake, mbarëvajtja e zgjedhjeve të lira dhe demokratike ishte një fitore për Shqipërinë dhe qytetarët e saj.
Prandaj, uroj të gjitha institucionet shtetërore të Shqipërisë për suksesin e arritur dhe jam i sigurt se bashkëpunimi vëllazëror dhe institucional me Shqipërinë do të intensifikohet edhe më shumë. HTH”, shkruan Thaçi.
(XH.A/SHUPLAKA)
