Skuadra e Realit fitoi mbrëmë 3 me 0 ndeshjen kundër Sevillas dhe në ntotal skuadra ka zhvilluar një ndeshje të mirë. Më poshtë gjeni listën me notat për secilin prej lojtarëve.
Casilla – 7,5
Kishte pak për të bërë në kuadër të 90 minutave, por bëri disa pritje vendimtare për të mbajtur portën e paprekur. Dalje të shkëlqyera dhe pozicionim fantastik në portë.
Nacho – 7,5
I pakalueshëm në mbrojtje teksa iu përgjigj në mënyrë perfekte ritmit të Correras. Pozicionim i shkëlqyer në mbrojtje dhe gjithmonë gati për të intervenuar.
Varane – 7,5
Një performancë solide nga Francezi i cili bëri disa intervenime të mira prapa, dukej mirë me topin në këmbë dhe arriti të shënoje golin e dytë për skuadrën pas një krosimi perfekt në zonë.
Carvajal – 7,5
Anësori Spanjoll tregoi një maturi të lartë në aspektin taktik dhe me shumë diciplinë prapa ndaloi rrezikun Vitolo. Kontriboi edhe në sulmet e skuadrës me daljet e tij përpara.
Marcelo – 8
Një performancë tipike nga Braziliani që shijoi një liri të madhe në anën e majtë, ishte gjithmonë i rrezikshëm me lëvizjet e tij dhe krijoi shumë hapsira për Asension.
Modric – 8,5
Diktoi në mënyrë perfekte lojën nga mesfusha me shkathtësitë dhe lëvizjet e tij impresionuese si dhe etikën e punës duke u ndërlidhur shumë mirë me Carvajal dhe James në krahë.
Casemiro – 7,5
Kontriboi në presionin e skuadrës dhe ishte më meritori për krijimin e golit të parë pas një vjedhje topi ndaj N’Zonzit në mesfushë. Vijoi me një performancë solide përpara mbrojtjes me disa intervenime të shkëlqyera ndaj kundërshtarëve.
Kroos – 7
Ndoshta jo dhe aq i disponuar për lojë sa bashkëlojtarët e tij. Gjermani zhvilloi një lojë të sigurtë në mesfushë me pasime të sakta dhe të shpejta, pa mos ndërmarrë ndonjë rrezik apo iniciativë për krijimin e sulmeve për skuadrën.
Asensio – 8
Shijoi një liri të jashtëzakonshme në krahun e majtë falë edhe lëvizjes konstante të Marcelos dhe Moratas. Një rrezik i vazhdueshëm për mbrojtësit e Sevillas që e kishin të vështirë të ndalnin shpejtësinë dhe ritmin e Spanjollit.
James – 8,5
Dy goditje perfekte për të vrarë Sevillan, një nga jashtë zone dhe tjetra nga pika e bardhë e 11 metërshit. Bëri presion të vazhdueshëm ndaj mbrojtësve kundërshtarë dhe ndihmoi skuadrën në posedimin e topit, pa mos u kursyer aspak edhe me vrapime të panumërta prapa për të mbuluar hapsirat e bashkëlojtarëve.
Morata – 7,5
Gjithmonë në lëvizje dhe një rrezik konstant për mbrojtësit kundërshtarë. Kontriboi në krijimin e hapsirave për bashkëlojtarët në sulm dhe ndihmoi në presionin si dhe rifitmin e posedimit të topit për skuadrën.
ZËVENDËSUESIT:
Isco – 7
Kontroll i shkëlqyer i topit dhe disa prekje të mira përpara.
Danilo – 7
Lëvizje impresionuese nga Braziliani që u gjet në një pozitë të favorshme përpara në minutat e fundit të takimit.
Mariano – 7
Zëvendësoi Moratan për të shtuar më tepër energji dhe pothuajse shënoi me një prekje të lehtë të topit në zonën e portierit.
(E.K/SHUPLAKA)
