Ricardo Rodriguez me sa duket mezi pret të luajë në San Siro pas nënshkrimit për Milanin sot, teksa ka theksuar është shumë i lumtur që është te kjo skuadër.
Mbrojtësi i majtë, 24 vjeçar, u transferua nga Wolfsburg për një shifër të raportuar prej 18 milionë euro dhe nënshkroi kontratën deri në qershor të vitit 2021.
“E dua këtë fanellë, është e bukur. Jam i lumtur që jam këtu dhe do të luaj për këtë ekip. Do ta vesh fanellën me numër 68, pasi është viti kur lindi nëna ime”, ka thënë Rodriguez për Milan TV.
“Jam kaq i lumtur që jam këtu dhe shpresoj t’i bëj njerëzit të lumtur gjithashtu. Milanello dhe muzeu janë vërtet të jashtëzakonshme”.
“Kam luajtur në San Siro një herë dhe mezi pres që të ndiejë ato ndjesi përsëri. Është një stadium i shkëlqyer”, ka thënë ai.(B.H/Shuplaka)
Discussion about this post