Fjalët për Koçon prekin jo pak, por vëmendja e ndjekësve shkon diku tjetër në FOTON e çiftit Kokëdhima

Koço dhe Brixhida Kokëdhima janë një nga çiftet më simpatike në vendin tonë. Në mbështetje të njërit tjetrit sa në politikë dhe sa në biznes.

Jo pak herë Brixhida është parë në takimet e “Zgjidhjes” nga njëri qytet në tjetrin duke qenë pranë bashkëshortit të saj në të gjitha hapat që ai ka hedhur në karrierën politike.

Në një foto të publikuar në rrjetet sociale, ku në sy bienë edhe pamja gjithnjë e më rinore e Brixhidës, fjalët që ajo ka zgjedhur për bashkëshortin prekin jo më pak. Ajo sheh te bashkëshorti i saj një lider, dhe është pikërisht kjo që e bën të besoj se ai është njeriu i duhur për vendin.

‘’Jam dhe do të jem me ty në çdo hap, sepse je dashuria, miku dhe shoku im i jetës! Por mbeshtetja ime nuk eshte e limituar brenda dashurise, une E DI që ti me Zgjidhje-n do ndihmosh popullin tonë, do çlirosh energjinë që ai ka të ndrydhura dhe do e udhëheqësh drejt mirqenies dhe endrrës!

Vetëm ti je i aftë dhe inteligjent si lider për ta bërë këtë! Dhe liderat që bëjnë përparim për kombet e tyre shfaqen shumë shumë rrallë ne jetën e kombeve!’’, shkruan Brixhida.

Të shumta kanë qenë komentet e të gjithëve që komplimentojnë pamjen e Brixhidës, ndoshta prania në familje e vajzave bën që e ëma të mos ketë shumë diferencim nga ato. (E.K/SHUPLAKA)