Alban Zusi, një nga pjesëtarët e qeverisë së kaluar në detyrën e numrit dy të ministrisë së Bujqësisë, në një intervistë në “Ora News” i ka konsideruar të drejta shqetësimet e ngritura nga Rigerta Loku dhe thotë se gjendja është më e keqe se sa katër vite më parë.
“ Fjalimi i asaj ishte një leksion shumë i rëndë për të gjithë klasën politike shqiptare dhe veçanërisht për këdo që ka marrë përsipër dhe mendon se duhet të japi një zgjidhje për gjendjen në fshatin shqiptar. Po ta shohësh, situata është shumë më e keqe se sa ishte para tre apo katër vitesh, veçanërisht sektori i blegtorisë”, tha Zusi.
Ai foli dhe për fondet e akorduara të qeverisë për bujqësinë duke konsideruar se ato janë shpërndarë në mënyrë abuzive dhe që janë për hetim.
“Fondet e qeverisë për mua duhen të hetohen. Janë shpërndarë në mënyrën më abuzive të mundshme. E para, fondet nuk janë vënë për nxitje zhvillimi por për të ashtuquajtura për ulje kostosh, që do të thotë janë dhënë pa asnjë lloj motivacioni”, tha ai. (B.H/Shuplaka)
Discussion about this post