Fjalimi i Trump shkakton të qeshura në OKB, videoja bën xhiron e rrjetit

Presidenti i SHBA-ve, Donald Trump ka bërë xhiron e rrjetit me fjalimin e tij në Asamblenë e Përgjithshme të OKB-së. Në momentin që Trump po vazhdonte pjesën e dytë të fjalimit, të gjithë anëtarët e asamblesë nuk kanë arritur të mbajnë dot të qeshurat.
Gjatë fjalimit, Trump filloi të flasë për sukseset duke thënë se “administrata e tij ka arritur më shumë se pothuajse çdo administratë në historinë e vendit të tij”.
“Në më pak se dy vjet, administrata ime ka realizuar më shumë se pothuajse çdo administratë në historinë e vendit tonë,” vazhdoi Trump, duke shkaktuar të qeshura nga salla në Nju Jork.
Trump buzëqeshi me ndërprerjen, dhe tha:
“Nuk e prisja këtë reagim, por është ok”.