Banorët e Londrës kanë gjetur një mënyrë të veçantë për të siguruar të ardhura për të pastrehët. Rreth 60 mijë qytetarë kanë marrë pjesë në aktivitetin e quajtur “Fjetja jashtë më e madhe në botë”.
Pjesëmarrësit kaluan natën e të shtunës dhe të dielës të shtrirë në sheshet në qendër të kryeqytetit britanik. Pjesë e aktivitetit që do të ndihmojë me grumbullimin e fondeve për të pastrehët ishin edhe njerëz të njohur të artit dhe muzikës.
Muzikantia britanike, Jake Bugg u shpreh se kjo që po bëhet është diçka shumë e rëndësishme me qëllim që gjërat të përmirësohen. “Doja të isha pjesë e këtij aktiviteti sepse është një çështje e rëndësishme. Gjërat nuk po përmirësohen. Po ndodh e kundërta, ndaj mendoj se duhet të ketë ndryshim”, tha ajo.
Përmes këtij aktiviteti të mbështetur edhe nga Kombet e Bashkuara, synohet grumbullimi i të paktën 50 milionë dollarëve për të ndihmuar të pastrehët në gjithë botën.
Discussion about this post