Real Madrid i është përgjigjur fitores së thellë 7-1 të Barcelonës me një provë thuajse të ngjashme force duke mundur 6-2 Deportivo La Korunjën në fushën e kësaj të fundit, edhe pse nuk kishte në fushën e lojës asnjë prej BBC-së së famshme.
Belj i dëmtuar do të mungojë rreth tre javë dhe sigurisht nuk ishte i gatshëm për ndeshjen, Ronaldo u la pushim, ndërsa Benzema gjendej në stolin e rezervave. Por Zidan nuk kishte nevojë të hidhte në fushë as bashkëkombësin e tij dhe as Modriç, pasi Reali ia doli mjaft mirë edhe pa tredhëmbëshin e frikshëm të sulmit.
Morata shënoi që në minutën e parë të takimit, duke nisur këtë goleadë e cila u plotësua nga dy gola të Hames Rodrizguez e me radhë të Lukas, Isko e Kasemiro. Ajo që dukej qartësisht ishte forma e mirë e Iskos, i cili ishte protagonist thuajse në çdo aksion sulmues të madrilenëve, duke dhënë sinjale të qarta se kur të vijë momenti i ndeshjeve të vështira, Zidan mund t’i besojë plotësisht atij.
