Flakët përfshijnë 7 hektarë pyje në Mirditë, dyshohet i qëllimshëm (Foto)

Rreth 7 hektar sipërfaqe pyjore janë djegur gjatë mbrëmjes së sotme në fshatin Gëziq të Mirditës, pas flakëve të mëdha të cilat kanë përfshirë zonën.

Forcat zjarrfikëse kanë shkuar në vendin e ngjarjes, mirëpo e kanë patur të pamundur ndërhyrjen për shkak të terrenit të vështirë malor, kështu që për fikjen e zjarrit janë përdorur mjete rrethanore. vatra e zjarri u favorizuan nga era e forte.

Sipas burimeve janë ende të paqarta shkaqet e rënies së zjarrit në këtë zonë, por që dyshohet e ai mund të jetë i qëllimshëm. Zjarri është neutralizuar pas rreth 3 orësh ndërhyrje nga ana e zjarrfikëseve.