Vijon prej dy ditësh zjarri në Gjinar të Elbasanit, si pasojë e të cilit u dogjën dhjetëra hektarë pyje me pisha.
Ish-kryeministri Sali Berisha ka publikuar një video, ku shprehet se zjarri nuk është shuar.
“Flaket vazhdojne te djegin pyjet e Gjinarit! Shikoni videon e qytetarit dixhital!”, shkruan Berisha krahas videos.
Kujtojmë se një ditë më parë, si pasojë e flakëve u izolua tërësisht fshati Dërstilë. Sot emergjencat civile lajmëruan se zjarri ishte shuar pas 48 orësh në luftë me flakët. Për shuarjen e zjarrit u angazhuan maksimalisht punonjës të zjarrfikëses, ushtria, Administrata e Zonave të Mbrojtura, punonjës të bashkisë dhe qytetarë.
Megjithatë nuk ishin ata që e vunë situatën nën kontroll, por ndërhyrja nga ajri. (D.D/Shuplaka)
