Një incident është shënuar gjatë seancës së sotme plenare. Vetëm pak minuta më parë, deputeti demokrat ka goditur socialistin Erjon Braçe, teksa ish-kryeministri Berisha ishte duke mbajtur fjalën e tij në foltoren e Kuvendit.
Mësohet se deputeti socialist i është drejtuar me fjalë fyese ish-kryeministrit Sali Berisha, ndër të tjera b***, teksa ai po vijonte me akuzat ndaj qeverisë dhe thirrjen për protesta.
Në atë moment, Noka është afruar papritur pranë Braçes dhe e ka goditur me kartonin e votimit, duke e kapur në flagrancë. Incidenti ka mbledhur deputetët e palëve kundërshtare. Deputetet e Partisë Socialiste kërkuan përjashtimin e Nokës.
Ndërkaq, drejtuesja e seancës, Valentina Leskaj, i ka kërkuar Nokës të dalë jashtë Kuvendit: “Flamur Noka, dil nga salla e Kuvendit. Dil jashtë, shkele rregulloren. 5 minuta pushim”. (XH.A/SHUPLAKA)
