Në inaugurimin e Sheshit “Skënderbej” në kryeqytet, kryetari i bashkisë Erion Veliaj ka deklaruar se nuk ka ndjerë ndonjëherë një emocion më të madh.
Ai e mori fjalën pas ngritjes së flamurit kuqezi në majë të shtizës të monumentit të heroit kombëtar Gjergj Kastriot Skëndërbeu, pasi u këndua himni i flamurit.
“Nuk kam përjetuar emocion më të fortë se të shoh të ngrihet flamuri shqiptar pranë Skënderbeut. Unë e kam ndjekur çdo pllakë të vënë, çdo pemë, çdo shatërvan, duke na sjellë një imazh të jashtëzakonshëm që mund ta shohin të gjithë. Ky është një nga sheshet më të bukura në botë. Sot kam një lajm shumë të mirë.
Nga dje jemi ftuar ta prezantojmë sheshin në bienalen e famshme të Çikagos, si një nga arkitekturat më moderne në botë. Nga një rrethrrotullim i pakuptimtë smogu e trafiku e kemi kthyer në projekt madhështor,” tha Veliaj. (D.D/Shuplaka)
Discussion about this post