Oerd Bylykbashi ka reaguar ashpër pas fotove të publikuara në media ku veteranët dhe përfaqësuesit e Partisë Komuniste gjatë ceremonisë përkujtimore të konferencës së Pezës kanë shpalosur flamurin shqiptar me yllin komunist por edhe foton e diktatorit Hoxha.
Bylykbashi duke hequr paralelen me Gjermaninë naziste e krahason vendosjen e yllit në flamur me kryqin nazist ndërsa foton e Hoxhës me ataë të Fyhrerit (Hitlerit)
Ai shkuan se sikur një gjest i tillë të kishte ndodhur në Gjermani atë që do të guxonin ta bënin do të ndiqeshin penalisht, ndërkohë që kjo që ndodh në Pezë është një turp.
Ai ka publikuar edhe dokumentin kur ish-kryeministri Berisha në atë kohë president i heq dekoratën Enver Hoxhës dhe disa nga figurave të rëndësishme të regjimit për shkak të “gjenocidit të ushtruar ndaj popullit shqiptar”.
REAGIMI I PLOTË:
Histori ne te kundert me fund te njejte
Imagjinoni sikur: 9 maj 1945. Fitore e plote e Gjermanise Naziste mbi Aleatet. Bashkimi Sovjetik i shkaterruar dhe e gjithe Lindja Europiane, perfshire Shqiperine, nen qeveri diktatoriale naziste. Ne Shqiperi, si ne gjithe Bllokun e Lindjes dominon partia shtet nacional-socialiste, shkurt naziste. Ne flamurin kombetar eshte shtuar edhe nje svastika mbi shqiponje. Per 45 vite rresht burgime, persekucion, internime, kampe perqendrimi, vrasje me dhe pa gjyq.
Pas 45 vitesh, qeverite diktatoriale bien nen revolucionet demokratike. Ne dhjetor 1990, regjimi nazist permbyset edhe ne Tirane nen protestat e studenteve qe kerkojne demokraci.
27 vite me pas, perfaqsues te hierarkeve nacional-socialiste, bij e niper te tyre dhe ishministra emerohen ne postet me te larta te shtetit. Nderkohe viktimat e regjimit ende nuk jane demshperblyer dhe jetojne keq. Ne pervjetorin e regjimit, ata dalin ne ceremoni zyrtare me shiritin me kryqin e thyer, ne flamur, eshte kthyer kryqi nazist permbi shqiponje, foto te Fyhrerit dhe nderime alla romana me doren e shtrire. Analiste te lidhur me ishregjimin, vleresojne dhe rehabilitojne veprimet e regjimit.
A nuk duhet te miratohet nje ligj qe mohimin e krimeve te regjimit, vleresimin ne publik te akteve, figurave dhe simboleve te tij t’i quaje veper penale (siç ndodh sot ne Gjermani)?
Kjo qe ndodhi sot ne Peze eshte turp! Nese do te ndodhte ne Gjermani, organizatoret do te ndiqeshin penalisht.
(B.H/Shuplaka)
Discussion about this post