Ai tha se disa lojtarë politikë nuk preferojnë të luajnë sipas rregullave demokratike.
“Po, jam i dëshpëruar në lidhje me atë se si të dilet nga kjo situatë. Përgjigjja është të tentojmë me demokraci. Pas zgjedhjeve, nëse ka koalicion të përbërë nga 67 persona, atëherë ata duhet të fitojnë mundësi për formimin e Qeverisë. ndërsa nëse ajo nuk funksionon, atëherë do të sugjeroj të votohet për të tjerët herën e ardhshme. Siç e dini, VMRO DPMNE nuk dëshiron të tërhiqet. Për këtë arsye, unë mendoj se votuesit duhet të dinë se askush në BE, madje as në partinë evropiane të Gruevskit nuk e mbështet atë politikë. Votuesit duhet të dëgjojnë se kjo nuk është çështje për të majtë apo djathtë, por është çështje për demokraci. E di se është çështje e ndijshme për disa persona, por ne shohim paralelisht për atë nëse është e mundur zgjidhje e përbashkët. Por, në fund është e qartë, votuesit kanë zgjedhur dhe ata që janë mbledhur duhet të kenë mundësi”,- tha ai.
Në seancën e sotme të Parlamentit Evropian është diskutuar situata politike në Ballkanin Perëndimor dhe problematikat që kanë këto vende.
Njohësit e çështjeve politike mendojnë se në situatën kur kreu i shtetit maqdonas refuzon të japë mandatin e krijimit të qeverisë, nuk duhet humbur kohë, por duhet zgjedhur kryetari i ri i Kuvendit duke reflektuar shumicën parlamentare, që erdhi si rezultat i zgjedhjeve të 11 dhjetorit. Dhe aludohet se kreu i parlamentit do të jetë një shqiptar. (M.D/ Shuplaka)
Discussion about this post