Eurodeputeti Knut Fleckenstein ka komentuar vizitën e fundit që bëri në Maqedoni si dhe krizën politike atje.Në një interviste për televizionin “Nova” eurodeputeti gjerman tha se në Maqedoni nuk po funksionon demokracia, pasi palët nuk po dakordësohen për formimin e qeverisë së re.
Fleckenstein ka folur dhe për platformën shqiptare për të cilën u shpreh se ajo nuk përbën rrezik për stabilitetin dhe sovranitetin e Maqedonisë.
Një ditë më parë duke folur në konferencën me temë “Kriza e demokracisë në Ballkanin Perëndimor”, Fleckenstein tha se është i zhgënjyer me zhvillimet politike në Maqedoni.
Përfaqësuesit e partive politike shqiptare në Maqedoni, përmes një deklarate të përbashkët, kanë shprehur përkushtimin e tyre për realizimin e të drejtave kombëtare në mandatin e ardhshëm qeveritar nëpërmjet mbështetjes së ndërsjellë në përputhje me frymën e Marrëveshjes së Ohrit dhe Kushtetutën e Maqedonisë. (M.D/ Shuplaka)
