Në fjalën e tij, Fatmir Braka, avokati i deputetit Dashamir Tahiri, pasi ka lexuar fillimisht verifimin e rezultatit të hetimit për Tahirin, renditi arsyet përse nuk duhet vendosur për heqjen e mandatit të deputetit.
Në mungesë të Dashamir Tahirit, i cili nuk ishte i pranishëm në mbledhjen e KQZ-së, ai theksoi se dënimi në Itali ndaj Tahirit ui fal. Sipas avokatit Braja, ajo për çka akuzohet deputeti nuk përbën vepër penale.
“Dashamir Tahiri dënua 9 muaj burg dhe 300 euro gjobë, por sipas ligjit italian vendimi u konsiderua i falur dhe rezulton se i akuzuari nuk ka vuajtur burgim. Për dënimin në 2009, Tahiri ka marrë në Itali vendimin dhe deklaron se nuk ka pasur asnjë dijeni.
Ai u gjykua në mungesë në Itali, por dënimi u deklarua tërësisht i falur sapo u dha. Vepra për të cilën ai është dënuar Tahiri s’përfshihet në veprat e specifikuara si ndaluese.
Dashamir Tahiri është gjykuar në mungesë. Nuk ka ekzistuar dënim me burgim dhe në rastin e Tahirit nuk ekzistojnë rrethana për kryerjen e veprave penale.
Kërkoj nga Komisioni Qendror i Zgjedhjeve që të mos marrë parasysh kërkesën e Prokurorisë.”, deklaroi ndër të tjera Braja. (XH.A/SHUPLAKA)
