Ai ishte shprehur se përfundimi i aventurës së tij me kombëtaren kuqezi do të ishte në përfundim të kontratës, e kundërta ndodhi sepse ish-trajneri i kombëtares De Biazit mori vendimin e papritur për të lënë Shqipërinë në mes të kualifikuesve të Botërorit “Rusi 2018”.
De Biazi në një intervistë për “Tutti Convocati” të “Radio 24″, në Itali ai ka sqaruar dhe vendimin e tij të papritur.
Ai tregon se fudni i erdhi pas Europianit dhe ndeshjes kundër Luksemburgut.
“Nuk shkuam në Shqipëri për të humbur kohë, donim t’i habisnim dhe në fakt e arritëm. Jam i gëzuar që jam vlerësuar. Të them se isha i emocionuar është pak, kanë qenë 5 vite e gjysmë të jetës sime. Me Shqipërinë bëmë diçka të pamendueshme, ishte një rrugëtim i gjatë.
Pas Europianit mendoja se do të gjeja një jetë të re, por për fat të keq nuk ndodhi ashtu. Më la një shije të hidhur, ‘këta njerëz janë pak të kënaqur’ dhe ky ishte një zhgënjim i madh.
Në mënyrë të pandërgjegjshme ne humbëm një pjesë të tërbimit, dikush e ndjeu barkun plot. Humbja në Luksemburg më ka zhgënjyer shumë, atë natë e mora vendimin”, tha ish-trajneri i kombëtares sonë.
Ndërkohë se ku do e shohim De Biazin në të ardhmen, ai u shpreh se nuk preferon ndonjë ekip në “Seria A” për shkak të modelit që përfaqëson institucioni i trajnerit.
“Nuk po kërkoj ndonjë pankinë në “Seria A”. Dua të qëndroj jashtë, pasi dua të jem në qendër të projektit. Dua të kem një dorë të lirë në përzgjedhjen e lojtarëve, nga pikëpamja njerëzore dhe teknike”, u shpreh trajneri italian. (S.Shuplaka)
Discussion about this post