Ajo që u duk se ishte një sherr në të cilin ishte përfshirë edhe aktori Gaz Paja, nuk është siç u raportua fillimisht, bazuar në pamjet e një videoje amatore publikuar në rrjetet sociale.
Në një prononcim për “Panorama”, Gaz Paja u shpreh se ai nuk ishte pjesë e asnjë sherri, por kishte ndërhyrë në shmangien e një “idiotësie” siç e quajti ai vetë, mes dy grupe të rinjsh.
“U zunë dy grupe me njëri-tjetrin dhe unë u gjenda aty dhe i ndava, kaq. Nuk më kanë shoqëruar në polici, siç shihet edhe në video unë iki. Unë u futa që i ndava grupet. Mirësinë time e kanë shfrytëzuar”, shprehet aktori ndërkohë që konfirmon se sherri ka ndodhur për një motor uji.
“Unë kam një biznes këtu në Dhërmi, dhe i pashë nga tarraca e biznesit tim, dhe duke qenë se i njihja të dyja grupet shmanga një idiotësi”, ka përfunduar ai.
(B.H/Shuplaka)
https://www.youtube.com/watch?v=iO0Q5QtqYu8&feature=youtu.be
Discussion about this post