Gazetari dhe drejtori i një portali online, Elvi Fundo, ka rënë pre e një sulmi të paprecedentë ditën e sotme. Ngjarja ndodhi në zonën e “Stacionit të Trenit”, pranë redaksisë së tij.
Menjëherë pas dhunimit ai u dërgua për mjekim në Spitalin e Traumës. I pyetur nga “Syri.net”, Fundo është shprehur se e gjithë çfarë ka ndodhur ka lidhje me profesionin e tij si gazetar.
“Isha duke ecur kur dy persona më sulmuan. Nuk i njihja se kush ishin dhe nuk e di se pse e kanë bërë.
Gjithçka ka të bëjë me punën time si gazetar, por ja kam lënë në dorë policisë për të hetuar dhe zbardhur ngjarjen. Falënderoj stafin që mu gjend pranë”, është shprehur gazetari Elvi Fundo.
(XH.A/SHUPLAKA)
