Pas ngjarjes së që ndodhi ditën e sotme në Fier, ku vëllai i vogël 10 vjeç goditi për vdekje me thikë vëllain 13-vjeç, ka folur gjyshi i tyre Isa Veizi.
Gjyshi i tyre u shpreh se ato janë zënë në oborr dhe sipas tij prindërit e tyre nuk kanë qenë në shtëpi pasi kanë qenë duke punuar në Vlorë.
Ai më tej shtoi se fëmijët ngaqë nuk kanë pasur prindërit kanë dalë jashtë kontrollit duke u grindur.
“Në orën 6 të mëngjesit dola nga shtëpia vizitova një të sëmurë. Dola nga spitali pashë një makinë që erdhi me shpëjtësi. Nga kureshtja shkova e pashë pa njohur njeri. Nga aty zbriti nusja e nipit që ishte në makinë. Nusja e nipit më tha ‘u vra çuni Fatmirit’. Nuk e dimë arsyen. Kur u takova me mjekët më thanë se fëmija ka ardhur i vdekur. Janë zënë në oborr. Të dy atë e bir ishin në Vlorë në punë. Fëmijët ishin vetëm në shtëpi. Nuk e di si ka ndodhur askush s’më tha tha gjë janë zënë në oborr, fëmija pa prindër është jashtë kontrollit. Nuk vajtën as në shkollë dhe krijuan këtë disfatë.“- u shpreh gjyshi të miturve.
Ndërkohë xhaxhai i dy fëmijëve u shpreh se ato u grindën duke qëruar peshk dhe se e dinin si shaka ndërmjet njëri-tjetrit.
“Unë isha tek vjehrri spese e kemi të sëmurë. Aty më erdhi haberi se hajde se u vra nipi. Prindërit ishin në punë, i ati dhe i biri ishin në punë. Shkojnë në shkollë po nuk e di sot sesi ishte puna. Duke qëruar peshk, duke bërë shaka, aty ai e dinte lojë dhe e ka goditur me thikë. Iku në komisariat ai, është trembur shumë. E morën dhe e mbajtën afër. Ato po qëronin peshk për ta ngrënë bashkë.”- u shpreh ai.
Rreth orës 10:50, ka shkuar i shoqëruar nga familjarët në Spitalin e Fierit shtetasi Gj.V, 13 vjeç, banues në fshatin Baltëz.
Nga hetimet paraprake dyshohet se pas një grindje me njëri tjetrin, vëllai i tij i vogël, shtetasi i mitur K.V, 10 vjeç, ka marrë thikën dhe e ka goditur.
Si pasojë e plagëve të marra, shtetasi Gj.V ndërroi jetë në Spitalin e Fierit. Grupi hetimor po punon për sqarimin e plotë të rrethanave të ngjarjes.
(M.Q/Faxweb.al)
