Deputetja e Partisë Demokratike, Grida Duma mbrëmjen e sotme ishte në bazë duke zhvilluar takime me anëtarë të PD për të organizuar sa më mirë protestën.
Deputetja e PD, Grida Duma për “Report Tv ” është shprehur se protesta e nesërshme do të jetë vetëm fillimi i valës.
“Partia Demokratike ka një plan për protestën, por ju e dini që planet nuk bëhen publike. Pas protestës së nesërme do të hapet një sipar tjetër protestash. Nesër është vetëm dita e parë. Ajo që do të ndodh më pas është një vendim i brendshëm, por që është diskutuar nga opozita. Nesër është hapi i parë për treguar që frika është element shumë i vogël. Ramës i themi se jemi vetëm në fillesë”, është shprehur Grida Duma.
Ajo ka shtuar më tej se protesta do të ketë qytetari. “Kjo është pjesa më e rëndësishme e përgatitjes, kemi orë qe ecim në njësinë nr. 9 me aktivistët më të shquar, jemi duke bërë detyrën me optimizëm që nesër do të ketë një pjesëmarrje të madhe. Deklaratat për skenarë dhune janë frika paraprake e një pjesëmarrje të mëdha, incidente nuk kanë ndodhur asnjëherë. Kemi treguar qytetari me forcat e rendit, protesta meriton të jetë qytetare, për mos pranimin për gjendjen e rrënuar ku jemi. Kushdo ta minojë një protestë e ka kanë shumë gabim, pasi gjithmonë dikush do i thërrasë protestat. Pastaj për PD duhet që të mendojnë në zgjedhje, cdo partie që bëhet në krah me ata kundër një regjimi duhet të kuptojnë që është cështje e tyre, nuk jemi këtu për pushtetin, por për të rregulluar jetën e tyre. (J.V/Faxweb)
Discussion about this post