Kryeministri Edi Rama në kuadër të fushatës së llogaridhënies publike ndodhet në Laç. Në bashkëbisedim, qytetarët kanë kërkuar që të marrin mikrofonin dhe ti tregojnë problemet kryeministrit, ndërkohë që ky i fundit është shprehur se ka disa rregulla.
“1 minutë kam ca rregulla. Ka ndonjë grua që do fjalën, unë kam gratë në fillim burrat pastaj. Flet gruaja dhe burri dëgjon” është shprehur Rama.
Ndërkohë që një qytetare ka marrë mikrofonin të tregojë problematikën e saj, kryeministri nuk ka pranuar që ta dëgjojë deri në fund duke i ndërprerë fjalën.
Qytetarja nga Laçi ka treguar se ka bashkëshortin që vuan nga një sëmundje e rëndë dhe nuk është i aftë për të punuar. Ajo shprehet se bashkëshortit të saj i është hequr kempi.
Rama: Ky është rast tipik ku nuk ka nevojë të shkosh te Kempi as me prit 6 muaj, mjaftojnë 3 minuta.
Megjithëse qytetarja kërkon që t’i shprehë problemin, Rama nuk pranon që ta dëgjojë dhe i shpjegon se çfarë duhet të bëjë.
“Mjaftojnë 3 minuta dhe t’i për 10 ditë nëse të takon zgjidhja merr zgjidhje. Këtu janë disa nga koordinatorët, mos u mërzit fare. Ulu jepi emrin jepi atë çfarë duhet dhënë, e zgjidhim këtu në sallë këtu do ta marrim përgjigje. Dhe të kutponi se kjo nuk është aspak lojë.” u shpreh Rama.
(M.Q/Faxweb)
Discussion about this post