Kreu i LDK’së Isa Mustafa e ka konfirmuar se Avdullah Hoti është emri që kanë zgjedhur për të nomimuar për kryeministër. Mustafa tha para mediave se partia e tij kishin kërkuar që ai të jetë kandidat.
“Ishte kërkesë e gati të gjithë anëtarëve që unë të marr këtë përgjegjësi, sepse ata konsideronin si vullnet dhe përgjegjësi të tyre, unë e arsyetova para krysesisë që nuk jam në gjendje të marrë këtë përgjegjësi”, tha kreu i LDK’së.
Ai tha se janë diskutuar disa emra, por, në fund është vendosur për Avdullah Hotin.
“Ne kemi diskutuar për Avdullah Hotin, Lutfi Hazirin, Kujtim Shalën, ka pas edhe emra të tjera, me vullnetin e të gjithëve jemi pajtuar që z.Hoti të propozohet nga kryesia e LDK’së, për kryeministër”, ka deklaruar ai.
Ndërkohë që Mustafa u pyet dhe për Vjosa Osmanin e cila nuk kishte marrë pjesë në këtë mbledhje, për të cilën tha se do të kishte dëshirë që të vijonte në krye të Kuvendit. Po ashtu lidhur me qendrimin e Kurtit, Mustafa tha se askush nuk do te hyje me force ne zyra, por mbreti eshte ai qe di te beje shumicen, dhe jo ai qe e siguron ate ne zgjedhje.
