Pranvera Begolli, komisionerja e PS-së në Korçë e cila u pa në një video të kthente përmbys kutinë e votimit ka folur për News 24. Ajo tha se nuk kishte tentuar të lexonte votat e administratës siç u fol por sipas saj brenda kutisë së votimit kishte rënë një prcesverbal dhe ajo kishte tentuar ta nxirrte.
“Është hedhur gabimisht procesverbali në kuti, është hedhur gabimisht e theksoj, qendra e votimit dihet që është e majtë, ne kemi firmosur për këtë veprim te kutia e materialeve, nuk ka patur asnjë ndikim votash”,-u shpreh ajo.
Komisionerja shihej ndërsa tentonte të nxirrte fletët e votimit nga kutitë. Në fillim u mendua se kjo për të verifikuar nëse punonjësit që punojnë në administratë kanë votuar apo jo për PS-në.
“Nuk kane fund turpet dhe skandalet e Rilindjes, ne video komisionerja e Partise Socialiste Pranvera Begolli, duke nxjerre fletet e votimit per te verifikuar nese votuesi qe punon ne administrate ka votuar per PS ose jo?!”, komentonte Ervin Salianjii cili e kishte publikuar videon.
(M.D/Shuplaka)
Discussion about this post