Meteorologia Tanja Porja në emisionin “Rudina” u shopreh se pranvera akoma nuk ka ardhur. Ajo tha se Prilli do të jetë përgjithësisht i ngrohtë, përveç mesit të muajit, ku priten reshje dhe ulje të temperaturave.
“Kemi paqëndrueshmëri në mes të muajit Prill në datat 14, 15 dhe 16 ku do ketë prezencë të reshjeve dhe ulje të temperaturave. Kjo do të zgjasë vetëm këto ditë dhe më pas moti stabilizohet.
I gjithë Prilli do të ketë vranësira prezente, nuk do të na lenë të shijojmë një qiell totalisht të kthjellët. Mbrëmjet dhe mëngjeset do të jenë të freskëta gjatë gjithë Prillit dhe mesdita do ketë temperatura të larta përjashtuar ditët kur mund të ketë shira. Temperaturat kryesisht do të shënojnë minimalen nga 4 dhe 16 gradë dhe gjatë mesditës në zonat e Korçës.
Tirana qëndron tek vlerat 8-9 apo 12 gjatë mëngjeseve dhe në mesditë deri në 24 gradë, nuk është shumë larg temperaturave normale. Zonat lindore që nga Hasi deri në Bilisht ka patur temperatura të ulëta gjatë mëngjeseve dhe deri në 22 gjatë gradë mesditës. Gjatë gjithë kësaj periudhe vranësirat do të jenë të bezdisshme. Sot, të premten dhe të shtunën reshjet do të jenë të bezdisshme, të dielën kthjellohehet dhe java që vjen parashikohet pa reshje” u shpreh Porja.
(M.Q/Faxweb)
